Үйлчилгээний нөхцөл

Сүүлд шинэчилсэн: 2026-10-09 · Хүчин төгөлдөр: 2026-10-09

1. Ерөнхий зүйл

Энэхүү нөхцөл нь businessbi.mn (цаашид «Үйлчилгээ») болон түүнийг ашиглагч (цаашид «Хэрэглэгч») хоорондын харилцааг зохицуулна. Үйлчилгээг ашигласнаар Хэрэглэгч энэ нөхцөлийг хүлээн зөвшөөрсөнд тооцно.

2. Үйлчилгээний агуулга

• Хэрэгслүүд — НДШ/ХХОАТ хөрвүүлэгч, НӨАТ тулгагч, нэхэмжлэх үүсгэгч, санхүүгийн шинжилгээ. Файлын боловсруулалт Хэрэглэгчийн хөтөч (browser) дотор хийгдэнэ.
• Санхүүгийн програм — ерөнхий журнал, санхүүгийн болон татварын тайлан автоматаар бэлтгэх вэб програм. 14 хоногийн туршилтын хугацаатай.
• Нягтлангийн сүлжээ — компани болон бүртгэлтэй нягтлан бодогчийг холбож, үйлчилгээний гэрээг платформ дээр электрон хэлбэрээр байгуулах боломж. BusinessBI нь гэрээний тал биш; нягтлангийн үзүүлэх үйлчилгээ, төлбөр тооцоо, хариуцлага нь гэрээний талуудын хооронд үүснэ. Платформ гарын үсгийн баталгаажуулалт (нэвтэрсэн бүртгэл, нэр, огноо, цаг)-ыг аудитын бүртгэлд хадгална.

3. Бүртгэл, нэвтрэлт

Зарим үйлчилгээ имэйл эсвэл Google бүртгэлээр нэвтрэхийг шаардана. Хэрэглэгч бүртгэлийнхээ нууцлалыг өөрөө хариуцна. Нэг бүртгэлийг олон хүн хамтран ашиглахыг хориглоно.

4. Төлбөр

• Төлбөртэй үйлчилгээний үнэ Үнэ хуудсанд зарлагдана. Бүх үнэ Монгол төгрөгөөр, НӨАТ орсон дүнгээр.
• Төлбөрийг WIRE.mn төлбөрийн гарцаар хүлээн авна. BusinessBI карт, дансны мэдээллийг хадгалахгүй.
• Нэг удаагийн тайлан татах төлбөр нь төлснөөс хойш 24 цагийн дотор тухайн хэрэгслээс дахин татах эрхийг олгоно.
• Буцаалтыг Буцаалтын нөхцөл-ийн дагуу шийдвэрлэнэ.

5. Хариуцлагын хязгаар

Хэрэгслүүд, програмын тооцоолол нь Монгол Улсын холбогдох хууль, маягтын дагуу боловсруулагдсан боловч татварын тайлан, санхүүгийн тайлангийн эцсийн үнэн зөв байдлыг Хэрэглэгч (эсвэл түүний нягтлан бодогч) шалгаж, баталж, холбогдох байгууллагад тушаах үүрэгтэй. BusinessBI нь тайлангийн алдаанаас үүдэн гарах торгууль, алданги, хохирлыг хариуцахгүй; хариуцлага нь тухайн үйлчилгээнд төлсөн дүнгээс хэтрэхгүй.

6. Хэрэглэгчийн агуулга, өгөгдөл

Хэрэглэгчийн оруулсан файл, бүртгэлийн өгөгдөл Хэрэглэгчийн өмч. Санхүүгийн програмын cloud нөөцлөлтөд хадгалагдсан өгөгдлийг Хэрэглэгч хүссэн үедээ экспортлох, устгах эрхтэй. Дэлгэрэнгүйг Нууцлалын бодлого-оос үзнэ үү.

7. Хориглох зүйл

• Үйлчилгээг хууль бус зорилгоор ашиглах, бусдын өгөгдлийг зөвшөөрөлгүй боловсруулах
• Төлбөрийн хамгаалалтыг тойрох, системд халдах, автомат хэрэгслээр ачаалал үүсгэх
• Үйлчилгээг хуулбарлан дахин борлуулах

8. Өөрчлөлт

BusinessBI энэ нөхцөлийг шинэчилж болно; томоохон өөрчлөлтийг сайт болон имэйлээр мэдэгдэнэ. Шинэчилсний дараа үйлчилгээг үргэлжлүүлэн ашигласнаар шинэ нөхцөлийг зөвшөөрсөнд тооцно.

9. Холбоо барих

Асуулт, гомдлыг hello@businessbi.mn эсвэл +976 9911-2233 дугаарт хүлээн авна. Маргааныг эхлээд харилцан тохиролцох замаар, боломжгүй бол Монгол Улсын хууль тогтоомжийн дагуу шийдвэрлэнэ.